musigalité
música alternativa galega e experiencias dixitais
Musigalité
Musigalité é unha aposta da CRTVG pola música alternativa galega e polas novas tecnoloxías. Unha experiencia televisiva e dixital a través de contidos multimedia sincronizados. Pensado para promover a cultura galega emerxente no mundo enteiro.
Musigalité nace coa aspiración de contar o que está a pasar na escena musical alternativa galega
Dende dentro, sen adornos, percorrendo miles de quilómetros para chegar a cantos máis recunchos sexa posible
Ti e os artistas sodes os protagonistas de Musigalité
En Musigalité os artistas toman a palabra para contar a todos os que amamos calquera tipo de música que é o que hai ao seu (ao noso) redor; máis alá dos acordes e das súas letras… Isto non existiría sen aqueles que escoitades a súa música e ides aos seus concertos, sen vós non habería cancións que escoitar nin actuacións que ver.
Construíndo unha historia que é a túa
E queriamos ir máis alá de cando remata a canción, sabedores de que cando se apágan as luces, quedan ainda moitas cousas que amosar e gozar. Por iso Musigalité nunca remata, vive na televisión, na radio, na web, no teu ordenador e no teu móbil... Trinta minutos non chegaban, queriamos contar máis cousas, xogar co que está a pasar, cambialas, reescribilas… sen resignarnos a deixar a meirande parte da historia fóra.